Ish-Sekretarja e Shtetit Hillary Clinton ka paralajmëruar se plani i SHBA për t’i dhënë fund luftës 18-vjeçare në Afganistan duhet të përfshijë qeveritë lokale dhe gratë, sepse pa to, marrëveshja që Uashingtoni ka nënshkruar me Talibanët nuk mund të ketë sukses, raporton Reuters.
Duke folur në një tubim të Kombeve të Bashkuara për të drejtat e grave në Afganistan, ajo tha se afganët sot kanë një frikë të drejtë se përparimi i bërë me ndihmën amerikane do të jetë jetëshkurtër nëse ata janë në nxitim për të arritur një marrëveshje që nuk do të mbijetojë gjithsesi.
Këshilli i Sigurimit i KB, ndërkohë, favorizoi një rezolutë të paraqitur nga Shtetet e Bashkuara duke mirëpritur “hapa të rëndësishëm për përfundimin e luftës dhe hapjen e bisedimeve brenda-afgane”, e cila u arrit falë marrëveshjeve të ndara të Uashingtonit me Talibanët dhe qeverinë e Afganistanit.
Draft-rezoluta, sipas Reuters, thekson se përfshirja e grave, të rinjve dhe minoriteteve është e rëndësishme për të siguruar që të drejtat e tyre themelore mbrohen.
Draft-rezoluta e SHBA shprehet “një gatishmëri për të marrë në konsideratë një rishikim të sanksioneve të KB kundër Talibanëve pas fillimit të negociatave brenda-afgane”.
Afganistani kërcënohet nga kaosi politik për shkak të përplasjeve nga shumë fraksione.
Gjatë ceremonisë së inaugurimit të Presidentit Ashraf Ghani, pati një sulm me raketa, ndërkohë që dhe rivali i tij Abdullah Abdullah mbajti gjjitashtu ceremoninë e tij të inagurimit.
Të dy po pretendojnë presidencën, duke përmendur rezultatet e zgjedhjeve të kontestuara të shtatorit të kaluar. /tesheshi.com/
