Këshilli i Lartë i Drejtësisë ka dhënë “ok” për arrestimin e gjykatësit të Tiranës, Ibrahim Hoxha i cili u ndalua një ditë më parë me akuzën për rryshfet, njëherësh dhe e ka shkarkuar nga detyra.
Presidenti Nishani ka thirrur një mbledhje të jashtëzakonshme të KLD-së, ku siç theksohet në një njoftim për shtyp, “vendosi të miratojë kërkesën e Prokurorit të Përgjithshëm për dhënie autorizimi për caktimin e masës së sigurimit personal ndaj gjyqtarit të Gjykatës së Rrethit Gjyqësor Tiranë I.H. si dhe pezullimin nga detyra, derisa çështja penale ndaj tij të përfundojë me vendim gjyqësor i formës së prerë”.
Hoxha ka qenë anëtar i trupës gjykuese për çështjen e 21 Janarit. Bëhet fjalë për gjykimin e dosjes së Armando Kasajt, i cili akuzohej se kishte fshirë serverin e kamerave të Kryeministrisë më 21 janar.
Së fundi ai gjykoi dhe çështjen e gazetarit Muhamed Veliu që ngridi padi për shpifje ndaj dy gazetarëve të tjerë, Andi Bushati dhe Armand Shkullaku, duke dhënë gjithashtu një vendim dukshëm të padrejtë, karshi dyshes së fundit. /tesheshi.com/
