Një foto por pa shumë të dhëna është publikuar së fundi ku shfaqet një nxënës dhe përballë tij një mësues, të vetëm që të dy në një klasë.
Dhe sipas Presheva Jonë, që nuk dihet nëse është ajo media që e ka nxjerrë sefte apo ndonjë tjetër (derisa nuk citojnë autorësinë), kjo situatë i përket një shkolle në Medvegjë.
Komenti që i bëhet fotos pas të dhënës së vetme që klasa ka mbetur vetëm me një nxënës, është se kjo është si pasojë e zhvendosjes së madhe të popullatës në Medvegjë.
Por, por të shihet fotoja më vëmendje, ajo është një montazh, ku përballë janë vënë nxënësi dhe mësuesi e jo klasa në tërësi ku do mund të evidentohej ajo që përcillet në titull.
Ndërkohë mungojnë të dhënat e tjera plotësuese, qoftë dhe emri i shkollës, gjë që e bëjnë lajmin të dyshimtë për vetë mangësitë që ka. /tesheshi.com/
