Para se fëmija të shkojë në klasë të parë është mirë që të kalojë në disa hapa dhe etapa para fillimit të frekuentimit të shkollës, sidomos fëmijët që kurrë më parë nuk kanë përjetuar ndarje nga prindërit. Filloni me disa ndarje të vogla të përkohshme. Më pas mundësojuani rastet për të takuar ndonjë bashkëmoshatar për të kaluar kohë më të. Në disa klasa të para lejohet të qëndrojë edhe njëri nga prindërit.Jo vetëm ditën e parë por dhe javën e parë.
Nëse fëmija nuk dëshiron të çohet në mëngjes për në shkollë, atëherë tregohuni të mirëkuptueshëm, por gjithashtu shpjegojani arsyet përse duhet të shkojë.
Mos tregoni dobësi apo luhatje! Nëse jeni të vendosur, edhe fëmija do e kuptojë.
Mos e kërcënoni dhe as mos i premtoni gjëra të tipit: “nëse shkon në shkollë do të blejë një gjë të mirë apo një lodër”. Këtë mesazh fëmija mund ta përkthejë sikur shkolla është diçka e keqe që duhet kompensuar me diçka të mirë, ashtu sikur e detyrojmë të shkojë tek dentisti.
Mos lejoni t’ju kërcënojë me shprehje: “Je e keqe, nuk të dua më!” Fëmija shpesh e bën këtë për të parë nëse do luhatemi apo jo.
Evitoni krahasimet me fëmijët e tjerë sepse do ta bëni të ndihet i frustruar.
Dhe në fund, pasdite, kur të shkoni ta merrni nga shkolla, mos e pyesni kurrë mësuesen nëse ka qenë i sjellshëm apo jo, sepse do e shikojë mësuesen si një vëzhguese që duhet të japë gjykimin e vetë në lidhje me sjelljen e fëmijës. /tesheshi.com/
