Foshnja e lindur me prerje cezariane nuk mundi të shpëtohej pasi nëna e saj u vra së bashku me burrin dhe vajzën e saj në një bastisje izraelite në Rafah të Rripit të Gazës, sipas informacioneve nga BBC.
Sabreen al-Sakani lindi me prerje cezariane në një spital në Rafah pak pas mesnatës të së dielës. Mes kaosit në spital, mjekët e ringjallën foshnjën, duke përdorur një pompë dore për të futur ajrin në mushkëri. Megjithatë, ajo nuk zgjati, vdiq të enjten dhe u varros pranë nënës së saj, sipas së cilës u emërua.
A baby girl was delivered posthumously after her pregnant Palestinian mother Sabreen Al-Sakani, her father and her older sister were all killed by an Israeli attack in Gaza’s Rafah pic.twitter.com/43SEpFgP60
— TRT World (@trtworld) April 21, 2024
Sipas raportimeve, gjithsej 16 fëmijë u vranë në dy sulme ajrore në Rafah fundjavën e kaluar, të cilat synonin kompleksin e banesave ku ata jetonin.
Forcat e Mbrojtjes së Izraelit (IDF) thanë se kishin në shënjestër luftëtarët dhe infrastrukturën e Hamasit.
Nëna e foshnjës ishte 7.5 muajshe shtatzënë kur sulmi ajror izraelit në shtëpinë e familjes ndodhi pak para mesnatës të së shtunës, ndërsa ajo, burri i saj dhe vajza e tyre trevjeçare flinin.
Gruaja fatkeqe pësoi lëndime të mëdha, burri dhe vajza e saj u vranë, por foshnja ishte ende gjallë në barkun e saj kur ekipet e shpëtimit mbërritën. Kështu, ajo u dërgua me urgjencë në spital, ku mjekët kryen një operacion cezarian për të sjellë në jetë fëmijën. Pas lindjes, ata e vendosën atë në një inkubator, duke e përshkruar gjendjen si kritike.
"Delivered by surgeons as her mother lay dying" pic.twitter.com/k1S3pjLdnR
— Saul Staniforth (@SaulStaniforth) April 22, 2024
Vogëlushja peshonte vetëm 1.4 kg kur lindi dhe kishte vështirësi të mëdha në frymëmarrje për shkak të lindjes së saj të parakohshme.
“Ky fëmijë duhet të ishte në barkun e nënës së tij tani, por atij iu mohua kjo e drejtë,” tha kreu i njësisë së urgjencës neonatale në spitalin e Emirateve në Rafah pas lindjes së saj.
Gjyshja nga nëna e foshnjës i tha BBC-së se familja planifikoi ta birësonte fëmijën, por nuk ia arriti. /tesheshi.com/
