Që nga viti 1968, nxënësit e shkollës fillore “Benjamin Franklin” në shtetin e Nju Jorkut kanë votuar gjithmonë paralelisht me të rriturit për zgjedhjen e presidentit amerikan, e gjithmonë e kanë gjetur fituesin. Kush fitonte në zgjedhjet e fëmijëve, rezultonte fitues edhe në zgjedhjet reale.
Çdo katër vjet, pak para zgjedhjeve presidenciale amerikane, shkolla u kërkon nxënësve që të votojnë. Ideja është që fëmijët të sensibilizohen që të vegjël më pjesëmarrjen në jetën shoqërore dhe politike.
Por gjëja intersante këtu është fakti se nxënësit nuk i njohin emrat e të zgjedhurve. Kandidatët shënohen vetëm më shkronjën “A” dhe “B”. Atyre u prezantohet programi elektoral, kurse personaliteti dhe popullariteti i kandidatit nuk përfshihet.
Më pas, në klasë diskutohet rreth pikave të ndryshme dhe se sipas tyre cili nga kandidatët anonimë është më i përshtatshëm për t’u votuar.
Që kur ka filluar kjo “lojë” në këtë shkollë, rezultati i zgjedhjeve ka dalë i njëjtë me atë të zgjedhjeve reale.
Sipas drejtoreshës së shkollës, Patrizia Moor, një shpjegim mund të jetë fakti se shkolla frekuentohet nga etni dhe klasa të ndryshme shoqërore e kjo mund të reflektojë disi edhe larmishmërinë e zgjedhësve realë. /tesheshi.com/
