Kritika të forta i janë adresuar organizatorëve të protestës më të fundit opozitare, mbrëmjen e së hënës, ku krejt papritmas u sulmua me molotov dhe selia e PS-së. Ky është i pari precedent në postkomunizëm, ku në një situatë të tensionit politik sulmohet selia e një partie nga militantë të një partie tjetër.
Preç Zogaj, një nga emrat e njohur të komentit politik, njëhersh ish-aktor politik në dy kahjet, përciolli mospajtim të fortë me këtë akt.
“Ajo që bën te PS-ja ishte shumë gabim. Nuk sulmohen partitë politike. Nuk ka ndodhur. Po flas që drejtuesit politik të çojnë në dhunë ndaj një selie politike. Ky është gabim.
Elita e PD-së që u priu protestuesve kundër selisë së PS, u nxitua. Nuk duhet të përsëritet. Provokon konflikte politike të paparashikuara. Nëse e kanë bërë me qëllim është një paralajmërim i keq”, tha Zogaj.
Edhe gazetari i njohur i kronikës, Artan Hoxha, është në të njëjtin qëndrim.
“Rama duhet t’i paguante me flori për të sulmuar selinë e Partisë Socialiste. As në 97′ nuk janë sulmuar selitë e partive.
As socialistët nuk e kanë prekur PD-në e dhe as demokratët nuk kanë prekur selinë e PS-së më parë.
I vetmi institucion i lënë zbuluar ishte PS, sepse nuk ishte llogaritur që mund të sulmohej PS”, tha Hoxha.
Sakaq, Policia e Shtetit ka proceduar penalisht në gjendje të lirë dyshen Noka-Bardhi, kokat e protestës, duke bërë me dije dhe masa të tjera disa orë pas këtij zhvillimi, karakterizuar një nja duf militant i shprehur me zjarrvënie.
Anti-government protest takes place Monday in Albania's capital, Tirana, following call from main opposition Democratic Party pic.twitter.com/B9g6ATxUKr
— Türkiye Today (@turkiyetodaycom) October 7, 2024
Njoftimi i Policisë:
Drejtoria Vendore e Policisë Tiranë, në lidhje me protestën e zhvilluar më datë 07.10.2024, në orën 18:00, në bulevardin “Dëshmorët e Kombit”, në vijim të veprimeve hetimore dhe procedurale të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë:
-arrestoi në flagrancë shtetasin: Xh. Rr., 57 vjeç, banues në Tiranë, për veprat penale “Goditjet për shkak të detyrës” dhe “Shkatërrimi i pronës me zjarr”;
-procedoi në gjendje të lirë shtetasit F. D., 31 vjeç, dhe 2 shtetas të mitur të moshave 16 dhe 17 vjeç, banues në Tiranë, për veprat penale “Prishja e rendit dhe qetësisë publike”, “Shkatërimi i pronës” dhe “Kundërshtimi i punonjësit të policisë së rendit publik”;
Po kështu, u referuan materialet në Prokurori dhe nisi procedimi në gjendje të lirë për veprën penale “Organizimi dhe pjesëmarrja në grumbullime dhe manifestime të paligjshme” (neni 262 i Kodit Penal, paragrafi i parë), për shtetasit: F. N., sekretar i përgjithshëm i Partisë Demokratike; G. B., kryetar i grupit parlamentar të Partisë Demokratike dhe E. M., sekretar organizativ i Partisë Demokratike.
Gjithashtu, po punohet për kapjen e shtetasve K. K., 43 vjeç, M. T., 24 vjeç, I. T., 49 vjeç, A. P., 46 vjeç, S. B., 49 vjeç, D. N., 62 vjeç, K. B., 22 vjeç, H. V., 68 vjeç, dhe e një shtetasi të mitur 17 vjeç, të dyshuar për veprat penale “Prishja e qetësisë publike”, “Goditjet për shkak të detyrës”, “Shkatërrimi i pronës me zjarr”, “Shkatërrimi i pronës”, “Shkelja e rregullave mbi lëndët plasëse dhe djegëse” dhe “Kundërshtimi i punonjësit të policisë të rendit publik”, parashikuar nga nenet 274, 237, 151, 150, 282 dhe 236 të kodit Penal.
Ditën e djeshme, protestuesit fillimisht janë grumbulluar në bulevardin “Dëshmorët e Kombit”, para Kryeministrisë. Më pas, ata janë zhvendosur te selia e Partisë Socialiste, godina e Ministrisë së Brendshme, godina e Bashkisë Tiranë, Kuvendi i Shqipërisë dhe gjatë rrugëtimit, protestuesit kanë shkatërruar pronën private dhe publike, kanë hedhur lëndë djegëse shpërthyese dhe sende të forta në drejtim të punonjësve të Policisë dhe të godinave të institucioneve publike. Gjithashtu kanë dëmtuar tabelat e reklamave dhe kanë djegur kazanët e mbeturinave.
🔴Video
Several are reported injured on both sides during today's anti-government protest in Albania https://t.co/4kgUX6EgHB pic.twitter.com/CeQnA5WQ1W— DTT-NET English (@dtt_net_english) October 7, 2024
Si pasojë e sulmeve me sende të forta, lëndë piroteknike dhe bomba molotov, mbi punonjësit e Policisë dhe godinat e institucioneve shtetërore, janë dëmtuar 10 punonjës policie, nga të cilët 7 pas ndihmës mjekësore u larguan në banesë, ndërsa 3 të tjerët po trajtohen në spital dhe janë jashtë rezikut për jetën.
Gjithashtu, në spital kanë shkuar për ndihmë mjekësore dhe 2 shtetas (babë e bijë), të cilët dyshohet se janë dëmtuar me lëndë plasëse (molotovë) dhe ndodhen jashtë rrezikut për jetën.
Në cilësinë e provës materiale janë sekuestruar:
– 68 mbetje flakadani të plasur;
– 23 copa plastike të shisheve të djegura;
– 3 shishe plastike uji;
– 3 tymuese të plasura;
– 1 shishe 0.5 litër me lëndë djegëse me lëndë piroteknike të paplasur;
– 1 çantë me ngjyrë të zezë me 8 shishe plastike 0.5 litër me lëndë djegëse (molotovë);
– 1 kuti cilindrike bombol;
– 2 çanta me 17 bidonë 0.5 litër me lëndë të dyshuar djegëse bashkëlidhur lëndë piroteknike të paplasur (molotovë).
Riots in Albania
Supporters of the Democratic Party threw Molotov cocktails at the Albanian government building, the municipality of Tirana, the headquarters of the Socialist Party and the police during today's protests.
The protesters demanded the resignation of Prime Minister… pic.twitter.com/hlpRcQVFlm
— S p r i n t e r (@SprinterFamily) October 7, 2024
Strukturat hetimore të Drejtorisë Vendore të Policisë Tiranë, në drejtimin e Prokurorisë, vijojnë punën për identifikimin dhe kapjen e shtetasve të tjerë të përfshirë në akte të dhunshme gjatë protestës së ditës së djeshme. /tesheshi.com/
