Këtë nëntor, në plazhet e Siberisë është vërejtur një fenomen i çuditshëm. Me qindra mijëra toptha bore janë krijuar për pak javë duke zënë një sipërfaqe prej 18 kilometrash. Disa prej këtyre topthave janë të vegjël gati sa një top tenisi, ndërsa më të mëdhenjtë janë gati një metër në përmasa sferike perfekte.
Për herë të parë janë parë edhe në liqenin e Miçiganit në vitin 2010 dhe në 2015-ën. Në fakt ky është një lloj fenomeni natyror që shpjegohet kështu: era rrokullis një masë të caktuar bore të shkrirë dhe duke e shtyrë kthehet në një sferë të akullt.
Edhe pse e thënë kështu duket si diçka e thjeshtë, Sergei Lisenkov nga Arctic and Antarctic Research Institute e shpjegon si një proces të ndërlikuar, që të realizohet ka nevojë për elementë si: kushtet atmosferike te caktuara, cilësitë e duhura të erës, brigje bregdetare dhe një temperaturë të caktuar. /tesheshi.com/
