Një mace u shpëtua nga rrënojat e një ndërtese në jug të Turqisë, e cila kaloi 49 ditë nën rrënoja.
Tërmete shkatërruese goditën rajonet jugore të Turqisë më 6 shkurt, me epiqendër në provincën Kahramanmaras, prej nga vjen kjo histori emocionuese e një të mbijetuare nga kafshët shtëpiake.
Pronarja e maces, Nida Dina, 36 vjeçe, dhe vajza e saj vinin çdo ditë në rrënojat e ndërtesës dhe kërkonin macen e tyre dyvjeçare Han në rrugët fqinje në lagjen Onikisubat.
“Na u dëmtua ndërtesa në tërmetin e parë dhe unë dola me vajzën time, por macen nuk e gjetëm sepse u fsheh. E kemi kërkuar çdo ditë dhe e kemi gjetur tani që ka nisur heqja e rrënojave të pallatit tonë 11-katësh”.
Duke theksuar se sa të lumtur janë për këtë mrekulli, Dina tha se njerëzit nuk duhet të humbasin kurrë shpresën sepse mrekullitë ndodhin.
“Tani për tani, Han është te veterineri. Ajo ka probleme me këmbën dhe po i nënshtrohet një ekzaminimi të detajuar. Shpresoj që t’i kalojë të gjitha problemet”, tha Dina.
Veterineria Fatma Gul Hancuoglu është kujdesur personalisht për macen Han më parë dhe tani është e lumtur që e sheh të gjallë pas 49 ditësh nga tërmeti. /tesheshi.com/
