Zbulohet më në fund se e gjithë spektakli që u luajt në Bruksel dhe sot në Mitrovicë për murin e ngritur në zonën serbe ka qënë vetëm një lojë vizuale, e tipit “Ali Hoxha apo Hoxhë Aliu”.
Edhe pse u prish nga BE-ja, nesër një mur i ri do të ndërtohet vetëm 20 metra pas vendit ku ka qenë ai ekzistues, i cili acaroi raportet mes Prishtinës dhe Beogradit dy muaj më parë.
Këtë e bën të ditur portal rus Sputnik, që në mënyrë ekskluzive publikon fotot dhe projektet e murit të ri.
Kryetari i Mitrovicës së Veriut ka deklaruar se muri nuk do të prishet por ai do të zhvendoset vetëm dy metra në mënyrë që të ndalojnë kalimin e automjeteve në pjesën serbe.
Goran Rakiç tha në një seancë të jashtëzakonshme të Kuvendit të Komunës se ky “ka qenë vendimi që është marrë më 8 dhjetor dhe se pjesa e strukturës së re do të jetë në fakt mbrojtja e zonës së këmbësorëve në sheshin “Mbreti Petar” që askush të mos hyjë aty”.
Nëse ka nisur heqja e strukturës ekzistuese e murit, për dy ditë fillon ndërtimi i murit të ri. Sipas tij kjo zgjidhje është pjesë e dialogut Prishtinë-Beograd që u zhvillua në Bruksel.
“Prishtina nuk do të pranojë propozimin për të zgjidhur këtë çështje në nivel lokal”, tha Rakiç.
Ai theksoi se qytetarët nuk duhet të frikësohen. “Ne kemi negociuar për pesë ditë dhe do të negociojmë edhe për 55 ditë të tjera. Nuk ka arsye për frikë dhe se ajo nuk do të ketë lëvizje të njëanshme dhe nëse njësitë speciale të policisë së Kosovës mund të futen, ata do të largohen menjëherë”, tha kreu serb i komunës veriore. /tesheshi.com/
