Udhëheqësi autoritar i rajonit rus të Çeçenisë, Ramzan Kadyrov, ka tërhequr vendimin e tij për largim nga pushteti dhe për më tepër tha se tani synon të thyejë rekordin prej 27 vitesh në detyrë si lider rajonal.
Kadyrov shkroi në Telegram më 5 shtator se ai e bëri deklaratën e dy ditëve më parë për një dorëheqje të mundshme në mënyrë që të “kontrollojë atë që mendoni”.
Dy ditë më parë, ai shkroi se pas 15 vitesh si lider rajonal në Rusi do vetëlargohej nga pushteti. “Ka ardhur koha…”, shkroi ai.
Megjithatë, në postimin e tij të fundit në Telegram, Kadyrov shkroi se mësoi se një politikan rus i paidentifikuar kishte qenë një udhëheqës rajonal për 27 vjet, kështu që ai “vendosi ta thyente atë rekord”.
“Ne do të shohim nëse mund ta kapërcej atë,” shkroi Kadyrov, duke shtuar se ai “nuk ka të drejtë” të largohet nga detyra tani.
Kadyrov, 45 vjeç, ka qeverisur Çeçeninë me një dorë të hekurt që nga viti 2007 dhe aktualisht është lideri më jetëgjatë në një nga rajonet e Rusisë. /tesheshi.com/
