Është bërë publik identiteti i efektives shqiptare që humbi jetën në tokën letoneze, teksa ishte angazhuar dhe me dy kolegë të tjerë shqiptarë në një process çminimi në tokën letoneze.
Zafire Hasanaj qe e pafatja nga shpërthimi i minës, një ushtarake që siç shfaqet në foto, përcillte energji dhe dinamizëm rinor.
Kanë ardhur menjëherë ngushëllimet e para, ku kryeministri Rama shprehet se me “dhimbje e respekt i thellë për efektivin e Forcave te Armatosura, Zafire Hasanaj, e cila ra në krye të detyrës gjatë një misioni të NATO-s në Letoni, ku u plagosën dhe dy efektivë të tjerë! Ngushëllime familjes, të afërmve e miqve të Zafires dhe qoftë i përjetshëm kujtimi i saj”.
Gjithashtu dhe presidenti Meta, tha se “me hidhërim të thellë është informuar për ngjarjen tragjike të ndodhur me kontigjentin e Forcave të Armatosura, në kuadër të asgjesimit të municioneve dhe lëndëve eksplozive në Letoni, ku ka humbur jetën në krye të detyrës Nëntetare Zarife Hasanaj si dhe kanë mbetur të plagosur Komandanti i Kontingjentit, Major Klodian Tanushi, si dhe dhe Rreshteri Julian Kapaj”.
“Ngushëllime përcolli dhe kreu demokrat Basha, duke shkruar se: “Në këto momente të rënda mendimet dhe lutjet e mija janë me familjarët dhe miqtë e Zarifes. Lutem po kështu për dy efektivët e tjerë, Klodian Tanushi dhe Julian Kapaj që mbetën të plagosur të jenë larg rrezikut për jetën dhe të kenë trajtim dhe shërim të shpejtë”, ngushëllon Basha.
Me sakrificën e jetës së saj të re, Zarife Hasanaj është dëshmorja e dytë shqiptare e rënë në mision të mbrojtjes kolektive të Aleancës”. /tesheshi.com
