Ajo çfarë ka ndodhur në Indonezi, është padyshim tragjedia më e madhe në botën e sportit, konkretisht ftubollit, nisur nga bilanci i rëndë mortor. Ka shkuar në 174 numri i jetëumbjeve në një ndeshje futbolli mes Arema dhe Persebaya Surabaya në Java-n Lindore.
Sipas raportit të BBC, tragjedia ka ndodhur pas fishkëllimës së fundit të ndeshjes, në të cilën fituese doli Persebaya Surabaya. Tifozët pushtuan stadiumin, vandalizuan dhe u përleshën me policinë. Kjo e fundit përdori kimikate për t’i zmbrapsur, duke shkaktuar panik, pa llogaritir pasojat tragjike.
Rezultati ishte se dhjetëra njerëz u shkelën deri në vdekje ose vdiqën nga mbytja ose lëndimi i rëndë.
129 killed in riot & stampede at football match in Indonesia after home team’s loss to arch rival in East Java pic.twitter.com/aIJiILHiyM
— Shiv Aroor (@ShivAroor) October 2, 2022
Gati 180 persona u plagosën nga paniku i shkaktuar, ndërsa një zyrtar i lartë në vend zbuloi se numri i spektatorëve e tejkaloi kapacitetin e stadiumit me rreth 4000 persona.
Presidenti i vendit, Joko Widodo, ka urdhëruar pezullimin e të gjitha ndeshjeve të futbollit në Indonezi derisa të kryhet një hetim për incidentin.
Videot që qarkullojnë në internet tregojnë tifozët që sulmojnë fushën pas ndeshjes, përplasen me policinë dhe thyejnë automjetet e policisë.
The situation at a football match in East Java, Indonesia yday evening which led to the death of 129 and 180 injured from stampede and suffocation.
There needs to be investigation of police's fatal misconduct.
— Veronica Koman 許愛茜 (@VeronicaKoman) October 2, 2022
Përdorimi i kimikateve për të zmbrapsur dhe shkatërruar turmën duket se ka luajtur një rol kyç në fundin tragjik të ndeshjes, pasi qindra njerëz u drejtuan drejt daljes në të njëjtën kohë.
“Kishte anarki. Ata filluan të sulmojnë oficerët e policisë, të thyejnë makina… Duam të themi se jo të gjithë tifozët po silleshin si anarkistë, vetëm 3000 që pushtuan stadiumin”, tha shefi i policisë së Java-s Lindore, Nico Afida pas tragjedisë. Sipas tij, në këto incidente kanë humbur jetën të paktën dy policë.
#WATCH | At least 127 people died after violence at a football match in Indonesia, last night. The deaths occurred when angry fans invaded a football pitch after a match in East Java
(Video source: Reuters) pic.twitter.com/j7Bet6f9mE
— ANI (@ANI) October 2, 2022
Kur atmosfera filloi të bëhej mbytëse nga kimikatet në stadium, shumë tifozë tentuan të vrapojnë për në dalje. Aty u mblodhën shumë njerëz dhe presioni nga turma ishte aq i madh, saqë sipas kreut të policisë, disa persona u mbytën.
FIFA parashikon që në asnjë rrethanë nuk duhet të përdoren kimikate për kontrollin e turmës në ndeshjet e futbollit. Shoqata e Futbollit të Indonezisë tha se do të kryejë një hetim mbi tragjedinë që “njollos fytyrën e futbollit në vend”. /tesheshi.com/
