Edhe drejtuesja e Gjykatës Kushtetuese, Arta Rama-Hajrizi si edhe shumë zyrtarë të tjerë të lartë të shtetit ka pasuri të majme, ku bëjnë pjesë të hyrat e mëdha vjetore, banesa, toka e posedimi i parave të thata.
Ajo merr pagë vjetore në vlerë 38.158 euro dhe mëditje 2782 euro nga Gjykata Kushtetuese, dhe pagë gjysmë norme vjetore si ligjëruese në kolegjin AAB në vlerë 8.891 euro.
Edhe bashkëshorti i saj është i punësuar në punë shteti, konkretisht në Ministrinë e Drejtësisë ku për një vit merr pagë në vlerë 6925 euro dhe mëditje në vlerë 604 euro.
Rama-Hajrizi posedon banesë 85 metra katrorë në vlerë 90 mijë euro të blerë më 2008. Poashtu ka deklaruar tokë 1.50 hektarë (familjare, trashëgim) në vlerë 50 mijë euro, shtëpi 150 metra katrorë (familjare) në vlerë 70 mijë euro.
Në bankë së bashku me bashkëshortin kanë të rujatura 9.500 euro./tesheshi.com/
