Janë publikuar pamjet e avionit luksoz që Emiri i Katarit, Sheikh Tamim bin Hamad Al Thani, ia ka bërë dhuratë presidentit Erdogan. Bëhet fjalë për një Boeing 747-8, në vlerën e 400 milion dollarëve.
Aeroplani tashmë është ulur në aeroportin ndërkombëtar “Sabiha Gökçen” në Stamboll. Informacionet thonë se aty mund akomodohen 94 persona, 76 pasagjerë dhe 18 anëtarë të ekuipazhit.
Kabinat janë të bollshme, vendet janë të klasit të parë, dhe brenda aeroplanit ka një dhomë takimi, si dhe një spital.
Para se t’i dhurohej udhëheqësit turk, avioni përdorej për anëtarë të familjes mbretërore dhe zyrtarë të lartë të shtetit.
Muajin e kaluar, gjatë një vizite në Ankara, Sheik Thani ofroi 15 miliardë dollarë investime direkte për Turqinë. /tesheshi.com/
