Mbipesha është sot problem për shumë persona. Dietat e ndryshme por edhe ushtrimet në palestër janë pjesë e përditshmërisë së personave që vuajnë nga obeziteti.
Por me gjithë dietat strikte dhe lodhjet në palestër, shpesh herë nuk kanë rezultat, ose le të themi që kanë më pak se disa persona që nuk lodhen fare në palestër.
Por cila është arsyeja se pse disa njerëz dobësohen me kollaj?
Revista “Cell” botoi një studim ku ishin përfshirë 800 persona.
Atyre iu regjistrua rutina e tyre ditore ku përfshihej ushqimi, marrja me sport dhe gjumi. Hulumtimi ka bërë një krahasim të procesit të dobësimit duke analizuar njerëz të ndryshëm me rutinë të njëjtë ushqyese.
Ata përdorën ushqime të njëjta dhe sasi të barabarta e më pas matën nivelet e insulinës në trup. U vërejt se këta persona, edhe pse ishin ushqyer njësoj, kishin nivele të ndryshme insuline. Në fund u arrit në konkluzionin se predispozita gjenetike luan rol të rëndësishëm në humbjen e peshës./tesheshi.com/
