Me gjasë, dyshja Rama-Abazoviç do të vizitojnë Ukrainën.
Është Vijesti malazez që e bën më dije këtë fakt, pak ditë pasi Abazoviç pranoi ftesën e Zelensky-t për të vizituar Kievin.
“Siç ka paralajmëruar, Abazoviç do të nisë një vizitë në Kiev, në mënyrë që të dërgojë një mesazh më të fortë dhe unik të mbështetjes nga Ballkani Perëndimor ndaj sovranitetit dhe integritetit të Ukrainës”, njofton zyra e shtypit e kryeministrit shqiptar të Malit të Zi.
Por sipas Vijesti-t, edhe kryeministrat e Shqipërisë dhe Maqedonisë së Veriut, Edi Rama dhe Dimitar Kovaçevski, kanë pranuar idenë e Abazoviçit dhe mbetet të bihet dakord për një datë.
Kujtojmë se vizitat në Kiev nga ana e lidërve të ndryshëm, atyre më qendrime anti-ruse, janë bërë tashmë rutinë. /tesheshi.com/
