Askush nuk do e kishte menduar se pas humbjes së 3 tetorit të vitit të shkuar në Sanchez Pizjuan, Barcelona të regjistronte një seri fantastike të rezultateve dhe tani është afër vetëm një triumfi tjetër: ta thyejë rekordin historik të klubit me 28 ndeshje pa humbje.
Rekordi i vendosur nga Pep Guardiola 2010/11, është në rrezik të thyhet nga Luis Enrique, i cili gjithashtu ka thyer rekordin skuadrës së Rinus Michels (1973/74) sa i përket numrit të fitoreve në një sezon.
Titujt
Nëqoftëse Guardiola fitoi 14 tituj për katër vite, Lucho ka arritur t’i ofrojë pesë tituj në palmaret e klubit blaugrana për një sezon. Gjithashtu, skuadra e drejtuar nga Luis Enrique ka thyer çdo rekord sa i përket golave të shënuar dhe atyre të pësuar.
Përveç tjerash, Luis Enrique u penalizua nga FIFA në dy merkato duke mos patur mundësi të transferojë lojtarë dhe gjithashtu rrezikoi të transferojë Luis Suarezin, i cili ishte dënuar për gjashtë muaj nga komisioni disiplinor i FIFA-s.
Azulgranat janë në rrugë të mirë për t’i fituar të gjithë titujt e mundshëm këtë sezon, ndërsa praktikisht kanë siguruar finalen e Kupës së Mbretit dhe janë lider të padiskutueshëm në kampionatin spanjoll. /tesheshi.com/
