Një banderolë me mesazhe anti-greke shfaqur në mes të tifozerisë në ndeshjen Partizani – Skënderbeu, ka sjellë reagimin e ashpër të presidentit Meta.
Kreu i shtetit madje u ka kujtuar autorëve të saj në shkallët e stadiumit dhe një detaj që sipas Metës duhet t’i bëjë më turp.
“Një parullë e tillë antisportive dhe raciste është edhe një fyerje për korifenjtë e futbollit shqiptar që nderuan fanellën e ekipit tonë kombëtar duke patur kombësinë greke. Sidoqoftë këto ngjarje të izoluara duhet të na shërbejnë si një këmbanë alarmi për të parandaluar dhe frenuar që në gjenezë pasojat e gjuhës së urrejtjes mes popujve tanë”, shprehet Meta.
Parulla u dënua ashpër dhe nga FSHF që paralajmëroi masat të ashpra. Ndodh kjo nën një atmosferë të tensionuar mes dy Shqipërisë dhe Greqisë, pas incidentit të sa dielës në Bularat të Dropullit, ku një shtetas minoritar u vra nga RENEA pas një shkëmbimi zjarri. /tesheshi.com/
