Peshkopi i Rashkës dhe Prizrenit, Teodosije me njëzet besimtarë dhe klerikë, kanë arritur herët në mëngjes në këtë tempull. Ai ka futur brenda pemën e Krishtlindjeve, duke kënduar himnin e Krishtlindjeve.
Kjo është hera e parë që nga viti 1999, që Krishtlindjet të shërbehen në këtë tempull dhe të dëgjohen këngët e Krishtlindjeve.
Peshkopi Teodosije në Tempullin e Krishtit Shpëtimtar (Hram Hrista Spasa) erdhi i shoqëruar nga kleri dhe murgjit e Dioqezës së Rashkës-Prizrenit si dhe besimtarët. Pas futjes së pemës së Krishtlindjes dhe kryerjes së shërbesës në altarin e kishës së papërfunduar, peshkopi porositi se kjo është një festë e gëzimit dhe të paqes dhe është festë që çliron njeriun nga mëkati dhe frika prej vdekjës.
“Ne kemi ardhur këtu, në Tempullin e Krishtit Shpëtimtar në Prishtinë, sepse kemi pasur dëshirën që të urojmë Krishtlindjet së pari në këtë tempull të shenjtë, por edhe tempull të martirizuar. Tempull, të cilin disa e kanë mbyllur në mënyrë që priftërinjtë dhe të krishterët ortodoksë të mos mund të hyjnë në të, dhe tempulli i cili është i vendosur në qytetin ku sot nuk ka serbë ortodoksë. Vetëm një e dhjeta e serbëva ka mbetur dhe ata jetojnë në frikë “, tha peshkopi Teodosije.
Ai shtoi se përshëndetja e sotme ‘Gëzuar Krishtlindjet’ nga Tempulli i Krishtit Shpëtimtar, ka një domethënie të veçantë dhe një mesazh për të gjithë ata që jetojnë në Kosovë dhe serbëve në gjithë botën, sepse ajo kujton se ne nuk duhet të harrojmë tempujt dhe manastiret tona në mbarë Kosovën.
Këtë mëngjes, në Prishtinë kanë ardhur edhe zëvendëskryeministri Branimir Stojanoviq, si dhe zyrtari ndërlidhës në Kosovë Dejan Paviqeviq.
Zëvendëskryeministri Branimir Stojanoviq tha se sot në Prishtinë ka ardhur për dërguar një mesazh paqeje.
“Ne duam të jetojmë në dashuri dhe paqe me të gjithë. Ky është një mesazh, se ne nuk do të heqim dorë qoftë edhe nga një gur i vetëm kudo që të jetë, e lëre më nga kisha jonë”, tha Stojanoviq. /tesheshi.com/
