Hillary Brown, 33 vjeçe, iu nënshtrua një operacioni më 21 nëntor në klinikën e bashkëshortit të saj, doktor Ben Brown.
Gjatë operacionit pati komplikime që e bënë atë të binte në koma dhe shtatë ditë më vonë ajo vdiq kur iu hoq aparati jetësor.
Klinika e bashkëshortit të saj po përballet me disa padi për keqpërdorime, ndërsa rasti tani po hetohet nga policia.
Të dhënat e gjykatës thonë se Hillary ishte “në proces të disa procedurave kirurgjikale” kur ajo shkoi në arrest kardiak, për shkak të shumë procedurave të mundshme.
Sipas babait të saj Marty Ellington, burri i saj Ben e telefonoi dhe i tha që të vinte menjëherë në Florida.
Babai i të ndjerës pohon se në sallën e operacionit nuk ka pasur pajisje adekuate për shpëtimin e jetës si oksigjen dhe defibrilator.
“Me sasinë e ënjtjes në trurin e saj, kjo do të thotë se truri i saj ka vuajtur nga mungesa e oksigjenit për mjaft kohë,” tha Ellington, i cili pretendon se klinikës i mungon personeli i trajnuar siç duhet për të ndihmuar në rast urgjence.
“Ne nuk morëm përgjigje. Nëse ishte gabim, ishte gabim, por nuk e kthen vajzën time. Unë nuk i dua paratë e tij. Nuk dua asgjë. Gjithçka që dua është një përgjigje sepse unë mendoj se ia kemi borxh vajzës sime”, theksoi ai. /tesheshi.com/
