Hovin e kanë marrë në vitin 2013, dhe qysh atëherë janë shndërruar në mani, herë për të mirë e herë për të keq. “Selfie-t” nuk janë trend vetem i ditëve të fundit, por janë trend i pandryshueshëm i të rinjve dhe jo vetëm, kush për të shfaqur ndejat me miqtë, e kush për të treguar ndonjë arritje.
Deri këtu gjithçka në rregull. Por çfarë po ndodhë me të rejat dhe të rinjtë që po marrin selfiet si referencë mbi dukjen e tyre?
Raportet flasin se numri i intervenimeve kozmetike në fytyrë është rritur për 45% nga viti 2013, dhe kirurgët plastik nuk kanë nguruar të pohojnë se pacientët janë ankuar për “pamje të pakënaqshme nga selfie” me rastin e vendimit për të hyrë në brisk.
Daria Hamrah, kirurge estetike që punon në Virgjinian Veriore, thotë se pacientët e saj erdhën për konsulta me selfie të yjeve që duken bukur nga cilido kënd që shkrep kamera. Dr. Hamrah thotë se përpiqet të ju shpjegoj të rejave se asgjë nuk ka të keqe me fytyrën e tyre, por se këndi i shkrepjes ndonjëherë kap fytyrën në pozitë jo dhe aq të këndshme.
Kjo pakënaqësi ka bërë që Hamrah të bëj hulumtim se si të arrihet te një selfie e dëshiruar, vetëm që pacientët e saj të mos nguten me vendimin për të ndërhyrë.
Studimet e fundit psikologjike thonë se “varësia nga selfie” është një gjendje e njohur mjekësore dhe shoqërohet me vetëvlerësim të ulët, narcizizëm, vetmi dhe depresion.
Sfida për një kirurg nuk është vetëm te përpjekja për të korrigjuar “të metat”, por gjithashtu të identifikohen pritjet e pacientit dhe motivimin për t’i nënshtruar një procedure kozmetike.
Në disa raste, problemet psikologjike të pacientit mund të përkeqësohen, pa marrë parasysh se sa është përmirësuar pamja e tyre pas procedurës. /tesheshi.com/
