Shitja e koncensionit të aeroportit të Rinasit ende nuk ka ndodhur konkretisht.
Por në vizionin që kinezët kanë paraqitur në Ministrinë e Transporteve kur kanë njoftuar nisjen e negociatave, janë shprehur që në Rinas mund të ketë një terminal shtesë për shërbim low cost.
Kjo do të sillte direkt ulje të cmimeve, megjithëse ende asgjë nuk është zyrtare.
Ndërkohë, një tjetër mundësi për të patur çmime të ulëta është edhe hapja e aeroportit të Kukësit. Drejtori i projekteve në Ministrinë e Transporteve, Krislen Keri, tha se që të ndodhë kjo duhen investime shtesë, si dhe një periudhë kohore njëvjeçare.
Koncesionari aktual i Rinasit, TIA, ende nuk e ka njoftuar zyrtarisht shitjen e aksioneve të koncesionit, si dhe çmimin e transaksionit.
Pas disa muajsh bisedime, kinezët e “Fairmont Investment Group”-it arritën një marrëveshje me gjermanët e TIA-s për ta blerë aeroportin për një shifër rreth 90 milionë dollarë. /tesheshi.com/
