Qendra e Teknologjisë Shenzhen në Kinën jugore do të ndalojë konsumin e qenve dhe maceve, ndërsa vendi ndalon tregtinë e kafshëve të egra, e cila konsiderohet një burim i mundshëm i koronavirusit, raporton Reuters.
Zyrtarët e qytetit kanë përpiluar një listë të mishit që lejohet të hahet, e cila përfshin mish derri, pule, viçi dhe lepuri, si dhe peshk e produkte të tjera deti.
“Ndalimi i konsumit të jetës së egër është një praktikë e zakonshme në vendet e zhvilluara dhe një kërkesë universale e civilizimit modern,” thanë autoritetet.
Shkencëtarët dyshojnë se virusi i ri i koronës është transmetuar nga kafshë te njeriu. Njerëzit e parë që konfirmuan infeksionin ishin në një treg të kafshëve të egra në Wuhan, Hubei, ku shiten lakuriqët e natës, gjarpërinjtë dhe kafshë të tjera.
Autoritetet e qytetit kanë kategorizuar qentë dhe macet si kafshë shtëpiake dhe do të ndalojnë konsumimin e tyre. Edhe gjarpërinjtë, breshkat dhe bretkosat do të ndalohen, megjithëse janë një vakt i preferuar në jug të Kinës.
Ndalimi i ngrënies së mishit të qenve dhe maceve në Shenzhen do të jetë “jashtëzakonisht i mirëpritur”, tha Peter Li i grupit të mirëqenies së kafshëve Human Society International.
Propozimi i Shenzhen pasoi një vendim të qeverisë kineze për të ndaluar menjëherë tregtinë dhe konsumin e kafshëve të egra. /tesheshi.com/
