Një gjykatë në jug të Kinës ka dënuar me vdekje njeriun që plagosi 12 fëmijë në një sulm me thikë në një çerdhe, njoftoi një televizion shtetëror kinez të hënën.
Krimet e dhunshme janë të rralla në Kinë, por vitet e fundit janë shfaqur një sërë sulmesh me thikë apo sende të tjera, shumë prej të cilave kanë synuar fëmijët.
Televizioni Qendror Kinez (ÇTV) raporton se në janar 2017, Qin Pengan mori një thikë perimesh dhe sulmoi fëmijët në një çerdhe, ndonëse pa pasoja në jetë.
Dhe, gjykata lokale në Pingxiang, në krahinën jugore të Guangxi, e dënoi Qin me vdekje dhe një vendim u lëshua të premten pasi u miratua nga Gjykata Supreme e Kinës, njoftoi ÇTV.
Megjithë përpjekjet për të zvogëluar numrin e ekzekutimeve në çdo vit, Kina vazhdon të jetë lider në dënimet me vdekje se çdo vend tjetër në botë, sipas vlerësimeve të grupeve të të drejtave të njeriut. /tesheshi.com/
