Ministria e Mbrojtjes e Kinës njoftoi se ushtria kineze dhe ajo amerikane kanë zyrtarizuar një numër të ri marrëveshjesh.
Wu Qian i Ministrisë kineze e Mbrojtjes tha se marrëveshjet krijojnë linjat e komunikimit që të dy palët të njoftojnë njëra-tjetrën në lidhje me operacionet e mëdha ushtarake.
Marrëveshjet mbulojnë gjithashtu kodet e sjelljes për trajtimin e incidenteve ajrore dhe detare mes dy ushtrive.
“Këto marrëveshje janë një masë praktike, dhe zbatojnë një vendim strategjik të marrë nga liderët e të dy vendeve. Ato ndihmojnë në krijimin e një besimi të ndërsjellë më strategjik, duke parandaluar keqkuptimet dhe duke trajtuar incidentet ajrore dhe detare. Ato gjithashtu do të ndihmojnë në krijimin e një lloji të ri marrëdhëniesh ndërmjet Kinës dhe ShBA-së, si dhe ushtrive të dy fuqive,” theksoi Wu Qian.
Pala kineze dhe ajo amerikane ranë dakord zyrtarisht për krijimin e sistemeve të reja të njoftimit në nëntor, pas propozimit nga presidenti kinez Xi Jinping, gjatë takimit të tij me Barak Obamën në qershor të vitit 2013. /tesheshi.com/
