Një shpikje e re mund të trondisë transportin “mbi shina”. Bëhet fjalë për trenin e furnizuar thjeshtë më bateri litiumi. Mjeti mund të arrijë një shpejtësi prej 60 km në orë, e sikur kjo të mos mjaftonte, treni është i varur në një rrotë.
Që prej përurimit në qytetin Chengdu, në jug të vendit, treni ka tërhequr vëmendje të madhe, duke treguar se mund të funksionojë pa as një problem me anë të furnizimit me bateri. Vagonat mund të mbajnë deri në 120 vetë.
E veçanta tjetër e kësaj risie është fakti se linja hekurudhore që do të ndërtohet posaçërisht, pritet të kushtojë sa një e pesta apo një e teta e linjave të zakonshme hekurudhore.
Gjithashtu, përdorimi i baterive prej litiumi do të ulë mjaft konsumin e energjisë. /tesheshi.com/
