19 mijë persona të dyshuar janë arrestuar në Kinë, në një operacion të gjerë kundër krimit të organizuar.
Operacioni ishte përgatitur prej tre muajsh dhe është zhvilluar në Hong Kong, Macau dhe në provincën Guangdong.
Policia tha se bandat e triadës e kishin shtuar aktivitetin e tyre edhe në Kinën kontinentale. Të dyshuarit janë arrestuar për krime si trafik droge, bixhoz dhe prostitucion.
Reduktimi i aktiviteteve kriminale të bandave thuhet se është qëllimi i operacionit, ndërsa policia tha se mesazhi për publikun është ai i tolerancës zero ndaj krimit të rganizuar dhe aktiviteteve të tjera të paligjshme.
Në Hong Kong policia ka ushtruar kontrolle në më shumë se 7500 shtëpi e prona. Ajo ka sekuestruar 102 milionë dollarë të Hong Kongut së bashku me drogëra, DVD pirate, armë e cigare kontrabandë.
Operacioni “Vetëtima” raportohet të jetë më i madhi i këtij lloji. /tesheshi.com/
