Kina i ka bërë sot thirrje Japonisë që të mos vendosë sanksione të njëanshme kundër Koresë së Veriut, pas lëshimit të raketës mbi territorin japonez.
Kjo është bërë e ditur nga Ministria e Jashtme e Kinës.
Ministri Vang Ji tha se sanksionet e njëanshme nuk janë në pajtim me frymën e rezolutës së Këshillit të Sigurimit, dhe se nuk kanë bazë në të drejtën ndërkombëtare dhe se Japonia nuk duhet të ndërmarrë vendime të gabuara.
Ai tha se shpreson që Japonia do të punojë në përmirësimin e marrëdhënieve bilaterale, me ripërtëritjen e besimit reciprok dhe ndërtimin e miqësisë në vend që të mendojë për tema të padobishme.
Raketa balistike e Koresë së Veriut, e lëshuar të marten, ka nxitur frikë dhe ka rihapur debatet në Japoni për politikën e mbrojtjes dhe pacifizmin. /tesheshi.com/
