Kina është duke ndërtuar aeroplanmbajtësen e saj të parë. Kjo është konfirmuar edhe nga Ministria e Mbrojtjes e Kinës e cila ka deklaruar se ndërtimi i aeroplanmbajtëses ka hyrë në fazën e saj përfundimtare. Ka gjasa që mjeti i rëndë të dalë në lundrim rreth dates 23 prill, në përvjetorin e themelimit të marinës ushtarake kineze. Zëdhënësi i Ministrisë së Mbrojtjes, Ëu Qian ka deklaruar të enjten se aeroplanmbajtësja e parë e markës kineze është në punimet e saj përfundimtare.
“Përsa i përket lajmit se anija do të përurohet ditën e përvjetorit të marinës kineze, ka thënë ai, besoj se ju nuk do të duhet të presni shumë gjatë.” Edhe mediat kanë konfirmuar se aeroplanmbajtësja e tipit 001A, do të nisë lundrimin më 23 prill, me rastin 68-vjetorit të themelimit të Marinës Detare të Ushtrisë Çlirimtare Popullore Kineze. Nga burime të afërta me marinën, gazeta “ China Morning Post” ka njoftuar se pritet që të marrë pjesë në përurim edhe Presidenti Xi Jinping.
Mjeti modern detar kinez është i ngjashëm si konstruksion me aeroplanmbajtësen Liaoning, e cila është edhe e para e ushtrisë kineze, e rinovuar pas blerjes që iu bë nga Pekini në Ukrainë në vitin 1998. Megjithatë, ekspertët detare në Pekin, kanë konfirmuar se aeroplanmbajtesja e parë e prodhimit kinez do te jetë shume me e avancuar se ajo, si në paisje ashtu edhe në teknologji. Koncepti i përgjithshëm operativ i tipit 001A do të jetë më i avancuar dhe funksional se Liaoning.
Sipas ekspertit ushtarak, nga skemat teknike të anijes janë hequr disa armatime për të lejuar rritjen e kapacitetit të transportit të më shume avionëve luftarakë J-15 ne platformën e saj, që duhet të jenë rreth 8 më shumë se sa Liaoning. Po ashtu, krahasuar me Liaoning, në 001A mund të transportohen edhe më shumë helikopterë.
Në të janë instaluar radarët më të përparuara të vendit dhe katër bateri HQ-10, raketa të mbrojtjes ajrore me rreze të shkurtër me nga 24 lëshues secila. Sistemi i raketave HQ-10 është tipi më i përparuar i marinës së si për destrojerët 052D fregatat tip 056 , ndërsa sistemi radareve te sajë S-band është i aftë të mbulojnë një fushë kërkimit 360-shkallë në qiell si dhe dhjetra e objektiva në ajër dhe në det. /tresheshi.com/
