“Në qoftë se Koreja e Veriut sulmon e para SHBA-të, atëherë Kina do të mbajë pozicion neutral, por nëse Shtetet e Bashkuara sulmojnë të parët dhe përpiqen që të rrëzojnë qeverinë e Koresë së Veriut, Kina do t’i ndalojë ata”, shkruan sot gazeta shtetërore kineze.
Presidenti amerikan Donald Trump ashpërsoi përsëri retorikën ndaj Koresë së Veriut, dhe paralajmëroi Penianin që të mos i shkojë mendja për ndonjë sulm në ishullin amerikan të Guamit në Paqësor.
Kina, aleati dhe partneri më i rëndësishëm tregtar i Penianit, në mënyrë të përsëritur ka bërë thirrje për përmbajtje dhe paqe gjatë krizës aktuale, ndërsa shprehu pakënaqësi për shkak të testeve të vazhdueshme bërthamore të Koresë së Veriut, por edhe me sjelljen e Koresë së Jugut dhe Shteteve të Bashkuara, të cilat i fajësoi për ngritjen e tensioneve.
“I duhet bërë me dije të gjitha palëve se kur veprimet e tyre të kërcënojnë interesat kineze, Kina do të përgjigjet me vendosmëri”, shkruan gazeta e cila nuk përfaqëson qëndrimin zyrtar të qeverisë, por prapa së cilës qëndron Partia Komuniste, transmeton Reuters.
Në artikull shkruhet se Gadishulli Korean është vendi ku kryqëzohen interesat e të gjitha palëve, dhe askush nuk duhet do të duhet të ketë dominim absolut në rajon.
“Pekini do të “rezistojë me forcë cilën do anë që dëshiron të ndryshojë status quo-në në rajon, pasi në këtë mënyrë do të prekeshin edhe interesat kineze,” përfundon artikullin “Global Times”.
