Presidenti kinez Xi Jinping njoftoi se Pekini do të forcojë bashkëpunimin me Iranin, raporton Anadolu Agency.
“Kina është e gatshme të forcojë bashkëpunimin me Iranin brenda Organizatës së Bashkëpunimit të Shangait (SCO) dhe kornizave të tjera,” tha ai në një bisedë telefonike me homologun e tij iranian Ebrahim Raisi.
Gazeta kineze Global Times raporton se liderët folën me telefon ndërsa një takim i ministrave të jashtëm të anëtarëve të SCO-së, përfshirë Iranin, po mbahet në Tashkent të Uzbekistanit.
Xi tha se Kina mbështet rrugët e pavarura të zhvillimit të vendeve të Lindjes së Mesme.
Pekini dhe Teherani kanë ngritur tashmë marrëdhëniet e tyre dypalëshe në një nivel strategjik dhe gjithashtu kanë nënshkruar një marrëveshje sipas së cilës Kina do të investojë më shumë se 400 miliardë dollarë në Iran gjatë 25 viteve të ardhshme. /tesheshi.com/
