Kina synon të ndërtojë në Ballkan një “Silicon Valley” ku të prodhojë pajisje të teknologjisë së lartë për tregun Europian.
Plani i Pekinit është që kompania shumë e fuqishme e prodhimit të celularëve, tabletëve dhe kompjuterëve, Huawei, e cila po konkurron denjësisht me Samsung, të ketë një filial të rëndësishëm në Ballkan.
Pikërisht për këtë arsye, Presidenti i Kinës, Xing Pi ka dërguar në Beograd, të dërguarin special të tij, Meng Jianzhu, i cili është edhe Sekretari i Partisë Komuniste të Kinës për çështjet juridike.
Meng është takuar me ministrin e Brendshëm të Serbisë, Nebojshma Stefanoviç, ku është folur që Huawei, të marrë në dorë teknologjinë e sigurisë kombëtare të Serbisë, kryesisht për pajisjet përgjuese, kamerat por edhe ato komanduese.
Kina pritet që këtë projekt ta shtrijë edhe në vene të tjera të Ballkanit.
Pekini dhe Beogradi kanë marrëdhënie të ngushta me njëri tjetrin në këtë fushë.
Në vitin 1999, ambasada kineze në Beograd ishte edhe qendra komanduese e ushtrisë së Millosheviçit me njësitë e saj në Kosovë.
Në atë kohë, ambasada e Kinës u bombardua “gabimisht” nga NATO.
Ministri i Brendshëm serb bën të ditur se një grup i madh policësh dhe oficerësh serbë do të trajtohen në Kinë për teknologjinë e informacionit.
Në një farë mënyre, Pekini do të instalojë paketat e saj të përgjimit në Ballkan, ku Kina ka investuar shuma marramendëse në shumë projekte. /tesheshi.com/
