Ambasadorja kineze në Shqipëri Jiang Yu u takua me zv.ministrin e Punëve të Jashtme të Shqipërisë, Selim Belortaja. Të dyja palët shkëmbyen pikëpamjet lidhur me zhvillimin e mëtejshëm të marrëdhënieve dypalëshe, bashkëpunimin Kinë-vendet e Europës Qendrore e Lindore dhe mbi nismën “Një brez, një rrugë”.
Belortaja i uroi mirëseardhjen ambasadores se re kineze Jiang Yu. Ai tha se në sytë e popullit shqiptar, Kina është jo vetëm një patner i rëndësishëm ekonomik, edhe është një mik i vjetër.
Pala shqiptare falënderon pala kineze për ndihmën dhe përkrahjen e saj një periudhë të vështirë. Ai shtoi se bashkëpunimi mes Kinës dhe Shqipërisë është i qendrueshëm. Pala shqiptare është e gatshme të punojë me palën kineze për forcimin e bashkëpunimit në fusha të ndryshme dhe për nxitjen e zhvillimit të vazhdueshëm të marrëdhënieve dypalëshe.
Ambasadorja Jiang vlerësoi pozitivisht marrëdhëniet Kinë-Shqipëri. Ajo tha se Kina e Shqipëria ruajnë miqësinë tradicionale dhe qeveria kineze nuk e harron kontributin historik të dhënë nga Shqipëria për rikthimin e Kinës në OKB. Ajo shtoi se vitet e fundit marrëdhëniet dypalëshe janë intensifikuar në fusha të ndryshme. Të dyja palët mbajnë kontakte për çështjet ndërkombëtare e rajonale. Ministritë e Punëve të Jashtme të të dyja vendeve kanë arritur rezultat në fushën e bashkëpunimit. Kina është e gatshme që të punojë përkrah palës shqiptare për thellimin e mëtejshëm të bashkëpunimit konkret.
Ambasadorja Jiang Yu vlerësoi përpjekjet e bërë nga Shqipëria për rimëkëmbjen ekonomike, përmirësimin e standardit të jetesës dhe diplomacinë ekonomike. Ajo shtoi gjithashtu se qeveria kineze inkurajon ndërmarrjet kineze të investojnë në Shqipëri dhe të zhvillojnë bashkëpunim me leverdi reciproke.
Duke folur për bashkëpunimin mes Kinës dhe vendeve të Europës Qendrore e Lindore, ambasadorja Jiang Yu vuri në dukje se, pas fillimit nga funksionimi të sistemit të bashkëpunimit Kinë-Europë Qendrore e Lindore, pala shqiptare ka marrë pjesë aktivisht në takimet e liderëve, mbledhjet e koordinatorëve kombëtarë të vendeve përkatëse, forumet rajonale, forumet e turizmit, kulturës e të think tank-ut dhe veprimtari të tjera përkatëse, duke ruajtur rol të rëndësishëm për nxitjen e bashkëpunimit të suksesshëm mes Kinës dhe vendeve të Europës Qendrore e Lindore. Pala kineze dëshiron të vazhdojë forcimin e bashkëpunimit dhe të komunikimit me palën shqiptare, brenda kornizës së bashkëpunimit Kinë-Europë Qendrore e Lindore.
Zv.ministri i Jashtëm shqiptar Selim Belortaja u shpreh se Shqipëria i kushton rëndësi të madhe sistemit të bashkëpunimit Kinë-Vendet e Europës Qendrore e Lindore. Si koordinator kombëtar i Shqipërisë, ai u shpreh i gatshëm të ndihmojë aktivisht sektorët përkatës për të zbatuar projektet brenda kornizës së këtij bashkëpunimi.
Ambasadorja Jiang bëri të njohura me hollësi sfondin, përmbajtjen dhe objektivat e dokumentit “Vizioni dhe veprimet për ndërtimin e përbashkët të Brezit Ekonomik të Rrugës së Mëndafshit dhe të Rrugës Detare të Mëndafshit të Shekullit të 21-të”, të publikuar nga Komisioni Kombëtar i Zhvillimit dhe i Reformës, Ministria e Jashtme dhe Ministria e Tregtisë e Kinës, me autorizimin e Këshillit të Shtetit. Ajo shprehu shpresën se Kina dhe Shqipëria do të shfrytëzojnë mundësitë e reja të sjella nga strategjia “Një brez dhe një Rrugë”, do të forcojnë bashkëpunimin me interes të ndërsjellë në fushat e infrastrukturës, të transportit etj., duke vazhduar të pasurojnë përmbajtjen e marrëdhënieve miqësore kino-shqiptare.
Nga ana e tij Belortaja e falënderoi ambasadoren Jiang për paraqitjen e strategjisë “Një Brez dhe një Rrugë”, duke u shprehur se ajo është një nismë me një vizion të madh strategjik. Numri dy i diplomacisë shqiptare tha se Tirana zyrtare do të studiojë seriozisht dokumentin “Vizioni dhe veprimet” të paraqitur nga ambasadorja Jiang. Z. Belortaja është i mendimit se pesë konceptet – kontaktet politike, ndërlidhshmëria, lidhjet tregtare, qarkullimi i kapitaleve dhe lidhjet e ngushta njerëzore – janë të arsyeshme dhe praktike. Ai bëri të ditur se qeveria shqiptare do t’i japë përparësi ndërtimit të infrastrukturës gjatë zhvillimit ekonomik. Sipas zv.ministrit të Jashtëm shqiptar Selim Belortaja, nisma “Një Brez dhe një Rrugë” do të krijojë një platformë më të gjerë për bashkëpunimin konkret mes Kinës dhe Shqipërisë.
