Kina ka lëshuar një film të shkurtër të animuar, i cili vë në lojë qëndrimin e presidentit amerikan Donald Trump ndaj pandemisë dhe akuzave të tij për fshehje informacionesh nga Pekini për koronavirusin.
Uashingtoni dhe Pekini aktualisht po zhvillojnë një konflikt verbal mbi origjinën e virusit, i cili u shfaq për herë të parë në qytetin kinez Wuhan dhjetorin e kaluar. Presidenti amerikan Donald Trump mendon se virusi ka origjinën në një laborator kinez dhe akuzon Pekinin për fshehjen e virusit.
Ai gjithashtu akuzoi Organizatën Botërore të Shëndetit me pretendimin se po ndihmonte Kinën, duke e bërë atë të ndalonte financimin e organizatës.
Në videon e animuar kineze, të dy palët janë paraqitur në formën e legove – Kina si luftëtare ndaj virusit dhe SHBA si Statujë e Lirisë.
Kinezët lëshojnë informacion të ri muaj pas muaji, ndërsa përballen me mohimet joserioze të Trump për “thjesht grip”, “mos vish maska”, “vdesin në Kinë sepse është një vend i botës së tretë”.
Kur virusi arrin në SHBA dhe fillon të vrasë gjithnjë e më shumë jetë, e kështu Statuja e animuar e Lirisë fillon të fajësojë luftëtarin kinez dhe OBSH për vdekjen e amerikanëve. /tesheshi.com/
