Kinë përkujtoi mposhtjen e Japonisë në fund të luftës së Dytë Botërore me një paradë madhështore, duke shfaqur fuqinë e saj ushtarake në një shkallë të paprecedent.
Presidenti kinez Xi Jinping në fjalimin hapës të paradës nderoi “popullin kinez që luftoi fort dhe mposhti agresionin e Japonisë”.
Ai tha se Ushtria Popullore do të reduktohet me 300 mijë persona të personelit, pa dhënë detaje për kohën apo se cilët sektorë do të preken.
Rritja e fuqisë ushtarake të Kinës po vëzhgohet nga afër nga fqinjët mes tensioneve në rritje që kanë shoqëruar rajonin dhe konfliktit për detin e Kinës Lindore me Japoninë.
Korrespondentët ngrenë pyetjen se çfarë po përpiqet të provojë Kina, pikërisht, me këtë demostrim force në paradën madhështore të Pekinit.
Si për të përmbyllur kuadrin, të ftuar në paradë ishin edhe 30 zyrtarë të huaj e kryetarë shtetesh, mes të cilëve në tribunë shquheshin presidenti rus, Vladimir Putin dhe sekretari i Përgjithshëm i OKB-së, Ban Ki-moon.
Ndërkohë, pjesa më e madhe e liderëve perëndimorë dhe kryeministri japonez, Shinzo Abe kanë qëndruar larg paradës.
Rreth 12 mijë trupa dhe 200 avionë sikundër tanke e raketa parakaluan në sheshin Tiananmen. Më shumë se 80 për qind e armatimeve ushtarake shfaqeshin në publik për herë të parë. /tesheshi.com/
