Ambasadorja e re e SHBA në Shqipëri, Yuri Kim, zhvilloi takimin e parë me kryeministrin Rama në vijim të një turi të saj në institucionet shqiptare, duke u njohur e takuar e krerët e tyre.
Rama e cilësoi këtë takim dhe si një koiçidencë teksa shkroi: “Takimi i mirëseardhjes së ambasadores amerikane Yuri Kim me fokus në prioritetet e përbashkëta si dy vende aleate. Koinçidencë e bukur mbledhja e mëpastajme e qeverisë, ku kaluam paketën AntiKÇK&Ligjin Special për masat pasurore ndaj krimit të organizuar”.
Nga ana tjetër, Ambasada komentoi takimin me anë një mesazhi, ku shkroi: Ambasadorja e Shteteve të Bashkuara Yuri Kim pati mundësinë të përvijojë prioritetet e Shteteve të Bashkuara në Shqipëri: të ndihmojë Shqipërinë për tu bërë një aleate më e aftë në NATO dhe një bastion më i fortë sigurie; mbështetje për zhvillimin demokratik & sigurimin e zbatimit të duhur të reformave në drejtësi; & rritjen e mundësive të biznesit. Ajo falenderoi Kryeministrin për përpjekjet e jashtëzakonshme të Shqipërisë në çuarjen përpara të prioriteteve tona të përbashkëta”.
Ndryshe, Rama ka patur një mbështetje të fortë amerikane gjatë qeverisjes së tij, duke produktuar dhe Reformën në Drejtësi. /tesheshi.com/
