Kreu i Koresë së Veriut ka shpallur vendimin e tij për të ndalur programin bërthamor.
“Nuk ka më nevojë për teste bërthamore dhe do të mbyllim qendrën nukleare në veri të vendit”, ka deklaruar Kim Jong un, gjatë një fjalimi drejtuar kombit.
Kjo shpallje konsiderohet si një “periudhë historike” dhe “Demonstrim i dëshirës për paqe” nga ana e Phenianit.
Por ministri i Mbrojtjes i Japonisë, Itsunori Onodera, e ka konsideruar këtë deklaratë si të pamjaftueshme, pasi sipas tij nuk bëhet fjalë për testet e raketave me rreze të mesme veprimi.
Deklaratën ministry japonez e bëri gjatë një takimi në Pentagon me Sekretarin amerikan, James Mattis.
Ndërkaq, Trump ka reaguar menjëherë duke e cilësuar si lajm pozitiv.
“Është një lajm pozitiv për të gjithë botën dhe për Korenë e Veriut”, tha Trump në twitter, duke e konsideruar një lëvizje shpresëdhënëse. /tesheshi.com/
