Pas dy takimeve radhazi në dy ditë, një me kryeministrin Rama e një me presidentin Meta, të ndodhur këto në kulmin e një ngërçi të ri me emrin “lista të hapura”, ambasadorja amerikanë Yuri Kim përcolli një apel literalisht të qartë,vështirësisht të dëshifrueshëm.
“Paralajmërim: Ndërsa partitë përgatiten për zgjedhje, liderët do të mbajnë përgjegjësi për ata që garojnë nën logon e tyre. Ju lutemi shqyrtoni kandidatët tuaj – mos i fyeni votuesit, mos e dëmtoni demokracinë, mos nxitni korrupsionin”, shkruan Kim.
Ndërkohë, asnjë prej partive nuk po përzgjedh kandidatë, pasi zgjedhjet janë ende larg, ndërsa debati është në listat do vijojnë të jenë të mbyllura apo do hapen pjesërisht, siç propozon mazhoranca, e cila ka marrë dhe inisiativë për ndërhyrje në Kushtetutë në funksion të kësaj risie.
Për këtë, Kim apo ndonjë ambasador tjetër, ende nuk janë deklaruar qartë. /tesheshi.com/
