Në prag të mbylljes së një karriere në Kongres pas 32 vitesh, Eliot Engel, pro-shqiptari më i fortë dhe më simbol në politikën amerikane, morri një mesazh vlerësues nga ambasadorja Yuri Kim.
“Faleminderit Eliot Engel për një jetë të tërë shërbimi ndaj vendit tonë, përfshirë mbështetjen tuaj për marrëdhëniet e forta Shqipëri-SHBA. Ju keni fituar mirënjohjen, respektin dhe dashurinë e kaq shumë njerëzve në të gjithë botën. Faleminderit”, shkroi Kim.
Ky mesazh pasoi atë të vetë Engel-it, i cili njoftoi fundin e karrierës së tij në Kongres në më shumë se tre dekada.
“Pas 32 vjetëve të shkëlqyeshme, sot është dita ime e fundit si anëtar i Kongresit. Ka qenë nder jetësor t’u shërbej njerëzve të Bronxit dhe Westchesterit dhe jam përjetësisht falënderues që më është ofruar mundësia t’u përfaqësojë ju në Washington. Faleminderit që më keni dhënë besimin e juaj”, shkroi Engel, ku zgjodhi të veçojë raportin e tij me fatin shqiptar në Ballkan.
“Unë gjithmonë kam pasur një vend të veçantë në zemrën time për Ballkanin dhe në veçanti, për Kosovën. Në vitin 1999, fuqishëm e kam përkrahur intervenimin e Administratës Clinton në Ballkan. Ne e dimë se parandaluam gjenocidin”, shkroi kongresmeni i njohur. /tesheshi.com/
