Kim Jong-un u shfaq në publik për herë të parë në 20 ditë, sipas mediave shtetërore të Koresë së Veriut.
Agjensia e lajmeve KCNA raportoi se udhëheqësi i Koresë së Veriut preu shiritin në hapjen e një fabrike dhe se njerëzit shfaqnin me lumturi duke e përcjellë atmosferën me brohorima.
Pas spekulimeve në të gjithë botën se ai është i vdekur ose ka një shëndet të dobët, kjo është hera e parë që nga 12 prilli që ai është shfaqur publikisht. Ndërkohë, është spekuluar se ai kishte patur një operacion në zemër dhe ishte në gjendje kome dhe më vonë kishte dhe koronavirus, raporton BBC.
Mediat e Koresë së Veriut kanë publikuar gjithashtu një foto nga hapja e fabrikës, ku Kim Jong preu shiritin.
Shëndeti i liderit të Koresë së Veriut është një sekret shtetëror i ruajtur mirë në një vend që është i mbyllur për botën dhe ku liritë e mediave nuk ekzistojnë. /tesheshi.com/
