Ambasadorja Yuri Kim u shfaq krah Ramës në një prej ecejakeve të këtij të fundit në “kantiere Rilindjeje”, të cilat kanë tashmë dhe një vokacion të dukshëm elektoral.
Kim qe me shefin e qeverisë shqiptare te Piramida ish-muzeu i diktatorit Hoxha në qendër të Tiranës, i cili po rijetëzohet me një tjetër funksion, siç do jetë ai i aftësimit dixhital të të rinjve.
Sipas Ramës, bëhet fjalë për një vizionin “Shqipëria 2030”.
“Po përgatisin një nga pikat e platformës për ‘Shqipërinë 2030’, që është pikërisht krijimi i një hapësire të re ku tanimë shteti duhet të jetë aktor i drejtpërdrejtë në sensin e mbështetjes së këtyre iniciativave për aftësimin sa më cilësor të rinjve të sotëm për të qene nesër pjesë e tregut të madhe që do të zgjerohet”, theksoi Rama. Sipas tij, “dija dixhitale e shoqëruar me të gjithë dijet e tjera që janë të nevojshme janë e mjaftueshme që ta bëjë këdo të fluturojë përtej kufijve dhe të jetë një punëtor i liri i globit”.
Ndërsa ambasadorja Kim e pa këtë zhvillim dhe në një tjetër aspekt.
“Historia është një gjë kureshtare. Historia në krijim e sipër është ajo që na bashkon sot. Siç e dimë të gjithë Piramida e Tiranës është hapur në vitin 1988 si një festim cinik i diktaturës. Dhe si vetë diktatori dukej sikur kjo godinë duket sikur do t’u thoshte qytetarëve se njerëzit janë subjekte pasive të një historie brutale në të cilën një kishin asnjë rol. Shqiptarët treguan në vitin 1991 dhe siç e tregojnë e dhe sot në fakt ata e kishin një rol. Populli shpalli se ata janë krijuesi i historisë.
Pres me kënaqësi që kjo piramidë të shndërrohet nga një simbol të kaluarës së errët në një inkubator për të ardhmen e ndritur të popullit të Shqipërisë, në një të ardhme ku më të mirët e Shqipërisë të mësojnë dhe të bëhen krijuesit e historisë së tyre”, tha Kim. /tesheshi.com/
