Ambasadora Yuri Kim përcolli mesazhin e radhës në mbështetje të drejtësisë së re, duke pozuar, ndër të tjera, me gjykatësin që çoi Tahirin pas hekurave, Engert Pëllumbi.
Ajo ishte në Gjykatën e Posaçme të Apelit, për një takim me trupën e gjyqtarëve, ku tha se “nxis çdo gjyqtar dhe prokuror të këtij vendi që ta bëjë punën e tij me ndershmëri, duke zbatuar pa mëdyshje ligjin, me guxim dhe krenari”.
“Nuk mund të theksojmë mjaftueshëm rëndësinë e një gjyqësori të drejtë, të paanshëm dhe të guximshëm, jo vetëm për popullin shqiptar, por edhe për miqtë dhe aleatët e tyre. Shqipëria po ecën përpara, jo pa vështirësi, por megjithatë po ecën.
Rruga përpara, është e vetmja rrugë për të moshuarit shqiptarë, të cilët nuk hoqën kurrë dorë nga shpresa dhe për djemtë dhe vajzat e reja, të cilët kanë aq shumë nevojë për të.
E nxis çdo gjyqtar dhe prokuror të këtij vendi që ta bëjë punën e tij me ndershmëri, duke zbatuar pa mëdyshje ligjin, me guxim dhe krenari. Ne do të qëndrojmë krah jush, do të vazhdojmë të luftojmë bashkë me ju”, u ka thënë Kim gjyqtarëve, sipas një njoftimi të ambasadës amerikane.
Kujtojmë se prej ditësh apo po takohet me strukturat e drejtësisë, duke u “dhënë zemër” që të bëhen kurajozë në goditjen e niveleve deri tani të paprekshme. /tesheshi.com/
