Diktatori i Koresë së Veriut, Kim Jong Un, ka deklaruar se “hakmarrja e vendit të tij ndaj OKB-së që vendosi sanksione të forta do të jetë 1 mijë herë më e madhe”.
Dje duke folur në një samit aziatik, Sekretari amerikan i Shtetit Rex Tillerson deklaroi se sinjali më i mirë nga Korea e veritu për të nisur një proces dialogu është ndërprerja e hedhjes së raketave.
Ndërkaq, në të njëjtën kohë Presidenti i SHBA, Donald Trump dhe homologu i tij jug-korean, Moon Jae-in, kanë lëshuar një deklaratë të përbashkët pas një telefonate të zhvilluar, ku thuhet se “Korea e Veriut përfaqëson një rrezik të shtuar kundër SHBA, Koresë së Jugut dhe Japonisë, por edhe vendeve të tjera të botës”.
Të dielën, ministri i jashtëm kinez, Wang Yi i ka kërkuar homologut të tij koreanoverior, Ri Yong Ho, të respektojë rezolutat e OKB-së dhe të ndalë provokacionet, përfshirë testet raketore.
Wang u ka kërkuar Koresë së Jugut dhe SHBA që të zbusin tensionet dhe të kthehen në tryezën e bisedimeve.
Këshilli i Sigurimit të OKB-së i ka ndaluar Phenianit një sasi të madhe eksporti që kap shumën e 1 miliard dollarëve.
/tesheshi.com/
