Kim Jong Un varros “mentorin” e tij

Ndoshta një nga periudhat më të vështira të jetës po kalon Kim Jong Un, pasi një person shumë i rëndësishëm vdiq për të, ndërkohë që vendi i tij ende po lufton me shpërthimin e parë të konfirmuar zyrtarisht të pandemisë Corona.

Media shtetërore e Koresë së Veriut tregoi Kim Jong Un duke mbajtur, së bashku me burra të tjerë të veshur me të zeza, arkivolin e Hion Chol-hae, një zyrtari i lartë i Koresë së Veriut, dhe duke hedhur dhè në varrin e tij.

The Guardian e quan të ndjerin “mentor” të tij.

Në fotot e publikuara, Kim Jong Un i jep lamtumirën Hyun Chol-hae në varrim pa maskë, ndryshe nga zyrtarët e tjerë.

Hion Chol-hae, sipas gazetës britanike, ishte një gjeneral në Ushtrinë Popullore Koreane, i cili besohet se ka luajtur një rol kyç në përgatitjen e Kim Jong Un për të marrë fronin përpara vdekjes së babait të tij, Kim Jong Il, në fundi i vitit 2011.

Rëndësia e këtij personi për liderin e Koresë së Veriut shihet nga toni zyrtar i ceremonisë, por edhe nga vendimi i tij për të qenë një nga personat që do të ngrinte arkivolin e zyrtarit.

Agjencia e lajmeve KCNA raportoi se “shumë” ushtarë dhe civilë dolën në rrugë për të shprehur pikëllimin e tyre ndërsa arkivoli u transportua në varreza.

Kim Jong Un tha në funeral se “emri i Hion Chol-hae do të mbahet mend” së bashku me emrin e nderuar të babait të tij, Kim Jong Il. /tesheshi.com/