Udhëheqësi i Koresë së Veriut, Kim Jong-un i dërgoi urime Presidentit kinez Xi Jinping për suksesin e vendit në parandalimin e përhapjes së koronavirusit, raportojnë mediat shtetërore.
“Kim Jong-un i çoi një përshëndetje të përzemërt Xi Jinping dhe e uroi, duke theksuar se ai e vlerëson shumë faktin që po përdor mundësinë për të fituar luftën kundër epidemisë së paparë”, njoftoi agjensia KCNA.
Kim i uroi presidentit kinez shëndet të mirë, dhe në raportin KCNA thuhet se marrëdhëniet midis Pyongyang dhe Pekinit janë “forcuar më tej”.
Koreja e Veriut gjithashtu tha që nuk kishte raste të koronavirusit, por më parë kishte rritur kontrollet e kufijve dhe masat antidemidike.
Në këtë mesazh, lideri i Koresë së Veriut, ndër të tjera, kritikoi ushtrimet ushtarake që Koreja e Jugut zhvilloi kohët e fundit, duke deklaruar se ishte një provokim serioz që kërkonte një reagim.
“Ushtrimi i fundit ushtarak i Koresë së Jugut ka treguar edhe një herë se armiqtë gjithnjë mbeten armiq. Gjithçka tani po kthehet në pikën fillestare ku ishim para samitit historik në 2018”, thuhet në deklaratë.
Koreja e Jugut tha të dielën se trupat e Koresë së Veriut qëlluan në një stacion roje të Koresë së Jugut në zonën e demilitarizuar që ndan të dy vendet.
Trupat e Koresë së Jugut u përgjigjën duke shkrepur të shtëna paralajmëruese në Korenë e Veriut, por nuk kishte raportime për viktima.
Sekretari amerikan i Shtetit Mike Pompeo tha se të shtënat e shkrepura nga Koreja e Veriut ishin ndoshta “aksidentale”. /tesheshi.com/
