Koreja e Veriut ka akuzuar vendet evropiane për “qëndrim të palogjikshëm”, duke reaguar kështi pas një mbledhjeje të Këshillit të Sigurimit të Kombeve të Bashkuara me dyer të mbyllura, ku u dënua lëshimi i raketave të Koresë së Veriut më herët këtë javë.
Mbretëria e Bashkuar, Gjermania, Franca, Estonia dhe Belgjika ngritën çështjen e hedhjes së raketave të fundit të Koresë së Veriut të enjten në Këshillin e Sigurimit të KB, duke e quajtur atë një veprim provokues që shkelte rezolutat e KB.
Të hënën, Koreja e Veriut gjuajti dy raketa me rreze të shkurtër nga bregu lindor në det, pas një ndërprerje tre-mujore.
Lëshimi i tyre, për të cilën zyrtarët thanë se ishte stërvitje rutinore ushtarake, u mbikëqyr personalisht nga lideri i Koresë së Veriut Kim Jong-un.
“Mendimi joligjor dhe sofistikimi i këtyre vendeve gradualisht të kujton SHBA-në, e cila është armiqësore për ne,” i tha një zëdhënës i Ministrisë së Jashtme të Koresë së Veriut.
Zëdhënësi e përshkroi veprimin evropian si “sjellje të pamatur … të inkurajuar nga SHBA”.
Kim Yo-jong, një motër e udhëheqësit të Koresë së Veriut dhe një zyrtar i lartë i qeverisë, gjithashtu e përshkruan lëshimin e dy raketave si një ushtrim ushtarak, duke thënë se ata nuk kërcënojnë askënd. /tesheshi.com/
