Ambasadorja amerikanen Yuri Kim reagoi pas një reagimi të kryeminnistrit Rama në lidhje këshillat e ambasadorëve për cilësinë e kandidatëve për deputetë, referuar pikërisht mesazheve të Kim.
“Unë nuk kam nevojë të ma thotë ambasadorja amerikanë detyrën time. Kam shumë respekt, ajo është në të drejtën e vet.
Mos ma nxirrni përpara ambasadoren amerikane.
Nuk kam nevojë të ma kujtojnë punë asnjë ambasador. Unë e di shumë mirë detyrën time karshi ligjit dhe popullit shqiptar.
Ligji është fare i qartë: kush ka bërë në të shkuarën vepra penale për të cilat është dënuar duhet të mos kandidojë për një funksion publik. Madje unë e kam nxitur që të shtohet edhe në admimistratë. Ligji bazohet në deklarimin dhe mbi kontrollin”, tha Rama një ditë më parë.
Pason një tjetër mesazh nga Kim, ku pothuajse shpreh dakortësi me atë çfarë thotë i pari i qeverisë.
“Drejtuesit e partive nuk duhet të pastrojnë listat e tyre thjesht sepse disa ambasadorë thonë kështu ose sepse SHBA e kanë bërë të qartë se lufta ndaj korrupsionit është prioritet.
Ata duhet ta bëjnë këtë sepse kërkohet nga ligji shqiptar, është ajo që pritet nga një vend aleat i NATO-s dhe aspirant i BE-së, dhe kjo është një shenjë themelore e respektit për votuesit”, shkruan ambasadorja Yuri Kim. /tesheshi.com/
