Ambasadorja amerikane Yuri Kim përcolli apelin e radhës për politkën shqiptare, që, në këtë kohë kur po zgjedhin kandidatët e 25 prillit, të kenë në konsideratë se ç’farë kualitetesh i ofrojnë votuesit.
Madje ajo tha se gati po i bezdiste me këtë paralajmërim të përsëritur.
“Ne gjithmonë kemi inkurajuar, madje edhe i kemi bezdisur drejtuesit e partive që të përmbushin detyrimet ligjore dhe të plotësojnë kërkesat e shqiptarëve për kandidatë të pastër.
Partitë të bëjnë transparente financimet.Të kontrollohen mirë kandidatët, populli shqiptar nuk duhet që të votojë për kriminelë.
Ne inkurajojmë të gjithë partitë, që të kenë transparencë për gjithçka për zgjedhjet e ardhshme”, tha Kim gjatë një konference me temë “Kostot e demokracisë II; Paratë në politikë dhe Integriteti Zgjedhor”.
Një natë më parë, në Real Story, ajo sqaroi se të tilla thirrje nuk duhen nënkuptuar si për këtë apo forcë politike, pasi i përfshijnë të gjitha pa asnjë diferencim. /tesheshi.com/
