Komanda ushtarake e Federatës Ruse ka ndaluar dërgimin e njësive të reja në Ukrainë, pas një kundërofensivë dramatike ukrainase që riformuloi luftën dhe e la Moskën të tronditur, njoftoi Shtabi i Përgjithshëm i Forcave të Armatosura të Ukrainës.
“Komanda ushtarake e Federatës Ruse ka ndaluar dërgimin e njësive të reja, tashmë të formuara në territorin e Ukrainës”, thanë zyrtarët në profilin e Shtabit Kryesor të Ushtrisë së Ukrainës në Facebook, raporton AP.
Ukrainasit deklarojnë se gjatë së hënës “armiku kreu pesë sulme raketore, më shumë se 10 sulme ajrore dhe më shumë se 20 sulme raketahedhëse ndaj objekteve ushtarake dhe civile në territorin e Ukrainës”.
Shtabi kryesor i ushtrisë së Ukrainës thekson në raport se “armiku kryen zbulim ajror, vazhdon të gjuajë mbi pozicionet e njësive tona, përpiqet të marrë masa për të rivendosur pozicionet e humbura duke lëvizur trupat e tyre”.
Kërcënimi i sulmeve ajrore dhe raketore ekziston ende në të gjithë territorin e Ukrainës, sipas Shtabit të Përgjithshëm të Ushtrisë së Ukrainës. /tesheshi.com/
